BASIC KISWAHILI GUIDING QUESITIONS

Hakikisha mwisho wa kozi unajua yafuatayo. (Make sure by the end of the course, you have the following competences)

Swali la kwanza

1. Umefika katika ofisi ya mhadhiri wako ukiwa umechelewa darasani. Andika mazungumzo mafupi ya kuigiza kati yako na mhadhiri yakionyesha jinsi unavyogonga mlango, kusalimia, kuomba ruhusa ya kuingia, kuomba msamaha na kushukuru.

Swali la 2: Mapokezi ya Wageni Chuoni

Rafiki yako kutoka Kenya amekutembelea chuoni Kampala International kwa mara ya kwanza kabisa. Andaa mazungumzo kati yako naye kwa kuzingatia yafuatayo

• Shikamoo
• Habari za asubuhi
• Hodi hodi
• Asante sana
• Kwaheri

Swali la 3: Hotuba ya Utambulisho

Leo ni siku yako ya kwanza kabisa katika chuo kikuu cha KIU. Simama mbele ya wanafunzi wenzako katika mhadhara na ujitambulishe mbele ya wanafunzi wenzako kwa kuzingatia yafuatayo

• jina lako,
• unatoka wapi,
• unasomea wapi?
• unaishi wapi,
• kozi unayosoma,
• rafiki yako ni nani,
• mwaka wako wa masomo,
• unapenda kula chakula gani.

Swali la 4: Ufahamu wa Mazungumzo ya Chuoni

Soma kwa makini mazungumzo yafuatayo kati ya wanafunzi wawili waliokutana nje ya maktaba ya chuo kisha ujibu maswali yanayofuata.

Amina: Habari yako?
John: Nzuri, asante. Na wewe je?
Amina: Nzuri pia. Unasoma kozi gani?
John: Ninasoma sheria. Wewe je?
Amina: Mimi nasoma uanahabari.
John: Unatoka wapi?
Amina: Ninatoka Jinja. Na wewe?
John: Mimi natoka Gulu.

Jibu maswali yafuatayo:

• John anasoma kozi gani ya kitaaluma?
• Amina anatoka katika wilaya gani?
• Tafsiri msemo wa “Ninansoma sheria?” kwenda lugha ya Kiingereza.
• Nani anasoma kozi ya uanahabari?
• John anatoka wapi kulingana na kifungu hiki?

Swali la 5: Uchunguzi wa Vitu Darasani

Ukiwa umeketi ndani ya darasa lako la masomo ya Kiswahili, umeona vitu mbalimbali vinavyokuzunguka.

• Andika maneno mawili ya vitu hivyo yanayoanza na irabu.
• Andika maneno matatu ya vitu hivyo yanayoanza na konsonanti.
• Tumia kila neno ulilotaja kutunga sentensi moja yenye maana kamili.

Swali la 6: Fonetiki na Sauti za Lugha

Katika somo la utangulizi wa lugha, mwalimu amekutaka utambue sauti za msingi za Kiswahili.

• Taja irabu tano za lugha ya Kiswahili.
• Toa mfano mmoja wa neno kwa kila irabu uliyotaja.

Swali la 7: Ununuzi wa Vifaa vya Idara

Umetumwa na bosi wako kwenda kununua vifaa mbalimbali kwa ajili ya matumizi ya darasani. Andika kwa maneno kamili ya Kiswahili idadi na majina ya vitu hivi vifuatavyo:

• 2 books
• 5 chairs
• 10 pens
• 20 students
• 100 shillings

Swali la 8: Ngeli na Sarufi – Umoja na Wingi

Badilisha sentensi zifuatazo kutoka katika hali ya umoja kwenda katika hali ya wingi:

• Mwanafunzi anasoma kitabu.
• Mwalimu anafundisha darasani.
• Kitabu hiki ni kizuri.
• Kiti kiko mezani.
• Mchungaji anahubiri kanisani.

Swali la 9: Rekodi ya Matukio ya Jana

Jana ulikuwa chuoni siku nzima ukitekeleza majukumu yako ya kimasomo. Andika sentensi tano kueleza mambo mbalimbali uliyoyafanya kwa kutumia wakati uliopita (-li-).

Swali la 10: Mipango na Ratiba ya Kesho

Kesho unatarajia kwenda chuoni asubuhi na mapema. Andika sentensi tano zilizonyooka kueleza mambo na ratiba utakayofanya kwa kutumia wakati ujao (-ta-).

Swali la 11: Kanuni za Ukanushaji

Geuza sentensi zifuatazo kutoka katika hali ya kukubali kwenda katika hali ya kukataa au ukanushi sahihi:

• Ninasoma Kiswahili.
• Anaandika barua pepe.
• Tutacheza mpira kesho.
• Walisoma jana.
• Wanafunzi wanasikiliza mwalimu.

Swali la 12: Utungaji wa Sentensi Amilifu

Tumia vitenzi vifuatavyo vinavyotumika katika mazingira ya kazi na chuo kutunga sentensi moja kamili yenye maana kwa kila kimoja:

• Kusoma
• Kuandika
• Kusaidia
• Kufanya kazi
• Kunywa

Swali la 13: Sifa na Vivumishi vya Vitu

Chagua kivumishi sahihi zaidi kutoka kwenye orodha ifuatayo ili kukamilisha sentensi:
(-zuri, -kubwa, -dogo, -gumu, -refu)

• Kalamu hii ni ________
• Chuo hiki ni ________
• Kiti hiki ni ________
• Mtihani huu ni ________
• Mti huu ni ________

Swali la 14: Maswali ya Maelezo

Tumia maneno yafuatayo ya maswali kutunga sentensi moja kwa kila neno:

• Nani
• Wapi
• Lini
• Kwa nini
• Vipi

Swali la 15: Mazungumzo ya Huduma kwa Mteja

Mgeni amefika katika ofisi yako chuoni na anatafuta msaada. Andika mazungumzo mafupi yakionyesha jinsi unavyomkaribisha, kumwelekeza na kumsaidia kwa lugha ya heshima.

Swali la 16: Hadithi ya Maisha ya Kila Siku

Andika hadithi fupi kuhusu maisha yako ya kila siku kuanzia asubuhi hadi jioni.